Assalamu’alaikum Wr. Wb
Wonten ngersanipun poro ‘alim,
poro ‘ulama’, poro kyai, poro bu nyai, poro habaib, sesepuh pini sepuh ingkang
kaulo ta’dzimaken. Wabil khusus ngersanipun Bu Nyai Hj. Rohmah Asy’ari selaku pengasuh pondok pesantren Al – Ma’sum
Njapun Agung Tempuran Magelang wa ahli baitiha wa dzurriyyatiha.
Wonten ngersanipun Bpk K. Hamdani
yusuf selaku pengasuh pondok pesantren ‘inayatullah ingkang kaulo ndereaken
sedoyo dhawuh pangendikanipun, wa bil khusus ugi ngersanipun Bpk K.H Ali
Shodiqin ingkang kito sedoyo tenggo dhawuh soho fatwanipun. Wonten ngersanipun
poro habaib langkung – langkung wonten ngersanipun habib masyhur Ridlo
Al-hasni, habib aqil al-qutban , habib ahmad al-qutban, habib abdullah assegaf
ingkang satuhu kinabekten, poro kyai poro habaib sanes-sanesipun ingkang mboten
saget kaulo sebat setunggal boko setunggal ingkang minulyo, poro rawuh bapak
ibu hadirin hadirat ingkang satuhu kinormatan.
Alhamdulillah wonten kesempatan
dalu meniko kito sedoyo tansah pinaringan pinten-pinten kenikmatan saking Allah
SWT sehinggo kito sedoyo saget makempal berwujjahah wonten majlis ingkang
insyaalah mubarokah kanti sehat wal ‘afiyat.
Sholawat soho salam kunjuk
ngersanipun kanjeng Nabi Muhammad SAW, ingkang kito tenggo –tenggo syafaatipun
mbenjang wonten yaumil qiyamah.
Hadirin hadirot ingkang satuhu
kinormatan, pengaosan dalam rangka tasyakuran khotmil qur’an soho khotmil kutub
santri putra putri pondok pesantren ‘Inayatullah sesarengan pembikaan pengaosan
selapanan sabtu pahing pondok pesantren ‘Inayatullah inggal kawiwitan.
Langkung rumiyen kaulo aturaken
rantaman titi laksono ingkang badhe kaleksanan wonten dalu meniko.
Adicoro ingkang sepindah
pembikaan, dipun lajengaken adicoro ingkang ongko 2 prosesi hataman, minangkani
adicoro ingkang ongko 3 inggih meniko sambutan atas nami keluarga besar pondok
pesantren ‘inayatullah, dipun lajengaken adicoro ingkang kaping 4 wahosan
sholawat simtuddurar, minggah adicoro ingkang kaping 5 wahosan ayat – ayat suci
al-quran, minangkani adicoro ingkang kaping 6 mau’idlotul hasanah lan dipun
lajengaken do’a soho penutup.
Hadirin poro rawuh ingkang
kinormatan, minangkani purwakanipun acoro inggih meniko pembikaan, monggo kito
bikak sesarengan acoro wonten dalu meniko kanti waosan surat al-fatihah, kanti
pangajab mugi acoro ingkang badhe kaleksanan meniko saget berjalan kanti lancar
lan leres-leres dados acoro ingkang manfa’at fiddin waddunya ilal akhiroh, ‘ala hadzihinniyah al-fatihah...
Matur suwun. Dipun lajengaken
adicoro ingkang kaping 2 prosesi hataman,
dene hal meniko bade dipun pandu dining petugas, dumateng petugas kaulo
sumanggaaken.
Hadirin poro rawuh ingkang satuhu
kinormatan, mekaten prosesi hataman sangking santri putra soho santri putri
pondok pesantren ‘Inayatullah, mugi santri2 sedoyo pikantuk ilmu ingkang
manfaat lan barokah. Amiiin..
Minggah adicoro ingkang kaping 3
sambutan atas nami keluarga besar pondok pesantren ‘inayatullah, ingkang badhe
kaaturaken dumateng panjenenganipun Bpk. Kyai Chamdani yusuf, dumateng
panjeneganipun wasono soho suwasono kaulo aturaken.
Mekaten dhawuh saking Bpk Kyai Chamdani yusuf, mugi kito sedoyo saget
pikantuk manfaat saking punopo ingkang dipun dhawuhaken.
Minangkani adicoro ingkang kaping
4 wahosan sholawat simtudduror ingkang badhe dipun ro’isi al-habib aqil
al-qutban, dumateng panjenenganipun habib aqil kaulo aturaken.
Mugi kanti wahosan sholawat
meniko saget nambahi raos mahabbah kito dumateng kanjeng nabi muhammad saw.
Dipun lajengaken adicoro ingkang
kaping 5 wahosan ayat – ayat suci al-quran, dene wahosan ayat-ayat suci
al-quran wonten dalu meniko bade kasampeaken panjenenganipun ustadz mohammad
nabil, dumateng panjenganipun kasumanggaken.
Mugi kanti wahosan ayat2 suci
al-quran meniko saget nambahi keimanan soho ketaqwaan kito sedoyo dumateng
allah SWT.aamiiin...
Hadirin poro rawuh ingkang satuhu
kinormatan, minangkani adicoro ingkang kaping 6 inggih mau’idlotul hasanah soho
do’a. dene mau’idlotul hasanah soho do’a wonten dalu meniko badhe kaaturaken
panjenenganipun Bpk K.H ali shodiqin saking semarang, dumateng panjenenganipun
kanti sedoyo hormat kaulo aturaken.
Hadirin wal hadirot ingkang
minulyo, mekaten punopo ingkang dados dawuh – dawuhipun Bpk K.H ali shodiqin,
mugi kito sedoyo saget memetik hikmah manfaat saking punopo ingkang dipun
dhawuhaken.
Bapak ibu ingkang satuhu kinormatan,
kanti paripurnaniun mau’idloh hasanah soho doa, paripurno ugi acoro wonten dalu
meniko. Kaulo minangkani pranoto acoro awal ngantos akhir bilih wonten
kalepatan soho kekirangan saking atur lan tingkah kaulo, kaulo nyuwun agungi
samudro pangaksami.
Minangkani adicoro ingkang
terakhir inggih meniko penutup, monggo kaito tutup sareng2 acoro wonten dalu
meniko kanti wahosan hamdalah.
Alhamdulillahi rabbil ‘alamin...
Saking kaulo, akhirul kalam
Wassalamualaikum Wr. Wb.
Tidak ada komentar:
Posting Komentar